Изложбата „Магла“ на Ави Лубин од Израел

53

Изложбата „Магла“, кураторски проект на Ави Лубин, куратор од Израел, ќе биде отворена утревечер, во 20 часот, во националната галерија „Мала станица“. Во проектот учествуваат уметниците: Алберт Алгаер, Газмент Ејупи, Фатмир Мустафа, Луан Бајрактари и Дритон Селмани. Кокураторка е Ана Франговска од Националната галерија.

Оваа изложба, која е насловена „Магла“, по првото искуство на кураторот Лубин со Косово, односно со маглата на аеродромот што го отежнала слетувањето, има цел да одговори на неколку дискурси и тоа: што значи да се биде делумно признаена држава како што е Косово и што значи да се биде подрачје во спор… Кураторот пред себе го имал и фактот што токму неговиот роден Израел е една од земјите што не го признале Косово за независна држава. Сите овие автори на различен начин, со различен медиум и пристап кон темата го проблематизираат аспектот на себеидентификацијата.