Данскиот автор Јакоб Мартин Стрид на македонски

44

Издавачката куќа „Антолог“ во рамките на проектот „Читаме заедно“ ја објави книгата за деца „Неверојатната приказна за џиновската круша“ од данскиот автор Јакоб Мартин Стрид. Авторот и илустратор на оваа сликовница е роден во 1972 година во Копенхаген, Данска. Станал познат стрип-цртач во дневниот весник „Политикен“.

Неговиот бунтовнички, хумористичен и поетски дух продолжил да се развива и во книгите за деца, кои многу бргу ја освоиле детската публика, не само во Данска туку и во целиот свет. Во 2010 година ја освоил наградата за најдобри илустрации на Министерството за култура на Данска.

Македонското издание на книгата е преведено од Лара Крстева-Ичокаева, графички уредено од Марко Трпески, а финансиски поддржано од програмата „Креативна Европа“ на Европската Унија, Министерството за култура и Данската уметничка фондација.

Животот си тече мирно како река, сè додека Мичо и Себастијан, наместо риба, не уловат порака во шише со своите трски за риболов…, ова е накратко содржината на оваа возбудлива и бајковидна сликовница роман за деца од сите возрасти.