„Врба“ премиерно прикажан во Македонската филхармонија

275

Во Македонската филхармонија синоќа се случи македонската премиера на филмот „Врба“ во режија на Милчо Манчевски.

На црвениот килим продефилираа многу препознатливи ликови од политичката и јавна сцена, а салата беше исполнета до последно место. По завршувањето на проекцијата, филмската екипа доби овации и аплауз од публиката.
Од синоќа филмот е на редовен репертоар во скопските кина „Синеплекс“ и „Милениум“, а филмот се прикажува и во Битола, Штип, Охрид, Кичево, Струга.

Од 4 ноември почнува да се прикажува во Прилеп и Свети Николе, во Гевгелија од 9 ноември, Кочани и Македонска Каменица од 14 ноември, а во преговори се прикажувања на филмот и во останатите градови од земјава.

Светската премиера на филмот беше на Римскиот филмски фестивал.