Царовска: Повеќето матуранти не ја бојкотираат наставата

26

Министерката за образование Мила Царовска вели дека само учениците од една скопска гимназија организираат бојкот на наставата поради државата матура.

– Тоа се мали групи кои искажуваат свој револт, секако дека тоа е нивно легитимно право. Само една гимназија во Скопје има поорганизирано дејствување во однос на бојкот на наставата, сите други се мали изолирани групи во гимназиите во Скопје, додека во Медицинското на пример нема ниту еден ученик кој бојкотира – вели Царовска.

Таа вели дека има две здруженија на средношколци. Едното е она кое е легитимирано од самиот старт, а другото е регистирано неодамна. Првото е Сојузот на средношколци, а второто Глас на средношколците.

Според Царовска, матурата треба да се спроведе на начин на кој сега е утврдена, а понатаму да се измени и осовремени.

Таа истакнува дека сепак средношколците имаат избор помеѓу државната и училишната матура, во зависност од тоа дали сакаат да го продолжат своето образование.