Сараевските доктори во генерален штрајк

36

Здравствените работници во кантонот Сараево од вчера стапија во генерален штрајк што ќе трае до исполнување на нивните барања. Првиот услов за продолжување на работата е потпишување на измените од колективниот договор за правата и обврските на работодавците и на работниците во областа на здравството на подрачјето на кантонот.

Нивните барања се однесуваат и на зголемување на платите односно за зголемувањето на саатницата за 30 фенинзи, како и смена на државните функционери што го покриваат здравствениот сектор.

– Бараме да се направи корекција во платите меѓу оние што не се доктори во однос на докторите. Некому му е зголемена саатницата, а некои не добија ништо. Околу 6.200 работници не добија зголемување на платите – вели Едо Симиќ, од синдикатот за здравство.