Претседателот на Франција, Емануел Макрон, денеска изјави дека на земјите од Западен Балкан треба да им се понудат искрени перспективи за членство во Европската Унија.
Во обраќањето пред Европскиот парламент во Стразбур по повод почетокот на француското шестмесечно претседавање со ЕУ, Макрон рече дека Унијата треба да ги преиспита односите со земјите од Западен Балкан, пренесе „Ројтерс“.
На Западен Балкан треба да му се понудат искрени перспективи за членство во Унијата, рече Макрон, чија земја во јануари го презеде шестмесечното претседавање со ЕУ.
