Претседателот на Руската Федерација, Владимир Путин, го назначи генералот Александар Дворников за командант на воените сили на Русија во Украина
Претседателот на Руската Федерација, Владимир Путин, го назначи генералот Александар Владимирович Дворников, кој важи за еден од најискусните воени офицери, да ја води специјалната воена операција во Украина. Досега Русија немаше централен воен командант на теренот. Одлуката да се централизираат раководењето и командата со руските сили во Украина доаѓа пред очекуваниот финален воен настап. Воените аналитичари проценуваат дека тежиштето на операциите сега ќе биде ставено на истокот и на југот на Украина во Донбаскиот регион, кој преку копнен крајбрежен појас би се поврзал со полуостровот Крим.
Дворников ѝ се придружил на советската армија во 1978 година, откако дипломирал на Военото училиште во Усуријск. Потоа се запишал во Московското висококомандно училиште за обука, дипломирал четири години подоцна, по што служел во Далечноисточниот воен округ. Студирал на воената академија „Фрунзе“, каде што дипломирал во 1991 година. Бил испратен во Западната група на силите, служејќи како командант на баталјон во 6-та гардиска моторна бригада. Во доцните 1990-ти, тој командуваше со полкови во Десеттата гардиска тенковска дивизија и Втората гардиска дивизија. Дворников стана началник на Генералштабот, а потоа и командант на дивизија во Севернокавкаскиот воен округ. По завршувањето на Генералштабната воена академија, тој стана заменик-командант и началник на штабот на 36-та армија. Во 2008 година ја презеде командата на Петтата армија на Источниот воен округ. Подоцна станал началник на штабот на Централниот воен округ, служејќи како негов вршител на должноста командант еден месец. Во септември 2015 година, тој стана првиот командант на руските вооружени сили во Сирија на почетокот на руската воена интервенција во Сирија. Дворников ја доби титулата Херој на Руската Федерација за водењето на руската воена интервенција во Сирија и во септември 2016 година беше назначен за командант на Јужниот воен округ. Тој важи за еден од најдоверливите воени команданти на претседателот Путин
