Бункерите од комунистичката ера во Албанија беа изградени за да може да издржат нуклеарен напад, но никој не предвидуваше дека подоцна ќе бидат нападнати од морето.

Албанските брегови се најпогодени од ерозија во Европа, а експертите велат дека причините за тоа се климатските промени и неконтролираната урбанизација.

На сливот на реката Семан и на Јадранот, во централна Албанија, многу бункери изградени за време на владеењето на Енвер Хоџа во случај на американска, советска или кинеска инвазија веќе се потонати. Истата судбина ги снајде и полициската станица, спортското игралиште и нафтениот извор.

Локалните жители тврдат дека за само три децении Јадранското Море проголтало 800 метри крајбрежје во оваа област.