Сите рудари кои денеска останаа заглавени во косовскиот рудник „Трепча“, доцна попладнево се извлечени од јамата.

Раководството на рудникот соопшти дека сите рудари се во добра здравствена состојба и се вон животна опасност.

Околу 100 рудари денеска останаа заглавени на длабочина од 700 метри во јамата „Стари Трг“ на рудникот „Трепча“, откако дојде до прекин на електричната енергија поради пожар на трафостаница во рамки на рударскиот комплекс.