Обилните снежни врнежи предизвикаа проблеми во сообраќајот низ Грција, оставајќи некои села без струја.

Патот што ја поврзува Атина со Ламија исто така е затворен, а на возачите им се советува да користат синџири, пренесува грчкиот портал „Катимерини“.

Грчката Национална метеоролошка служба објави дека снег паѓа и во северна Грција и во пониските предели во источна Тесалија, централна Грција и североисточен Пелопонез.

Поради силните ветрови се затворени пристаништата Пиреа, Рафина и Лаврио, поради што бугарското Министерство за надворешни работи ги советува своите граѓани што планираат да патуваат за Грција да се информираат за времето, пренесува БТА.