Две лица загинаа, а едно е тешко повредено во семејна трагедија којашто се случи утринава во семејна куќа во близина на Живиница кај Тузла, Босна и Херцеговина.
        
Како што објавуваат тамошните медиуми загинал 33-годишниот Адмир Мујчиновиќ, во кого пукал неговиот татко Зијад Мујчиновиќ (54), додека Зада Мујчиновиќ е повредена и успеала да побегне.
        
Според првичните информации, Зијад Мујчиновиќ со пиштол ја ранил неговата сопруга Зада, но таа избегала од куќата, по што испукал неколку истрели кон синот Адмир и го убил. Потоа се самоубил.
        
Истрагата е во тек и тие ги утврдуваат сите околности што доведоа до оваа семејна трагедија.