Речиси сите летови до и од главниот град на Босна и Херцеговина од меѓународниот аеродром во Сараево се откажани поради маглата и смогот што го опфатија градот.
        
Густата магла и смог создаваат исклучително слаба видливост, што го оневозможува слетувањето во главниот град.

Според податоците за распоредот на летови на аеродромот во Сараево, авионите од Берлин и Истанбул не можеле да слетаат во Сараево, додека откажани биле и летовите од Будимпешта, Минхен, Белград, Виена, Ријад и Загреб.
        
Покрај тоа, откажани се летовите за Берлин, Истанбул, Ријад, Белград, Загреб, Виена и Минхен.