Европскиот Парламент смета дека каков било договор меѓу Белград и Приштина може да биде прифатен само ако се договорат обете страни и ако се земе предвид стабилноста во регионот и меѓународното право, изјави синоќа известителот за Србија во ЕП Дејвид Мекалистер, истакнувајќи дека ЕП не е склон кон создавање етнички хомогени држави.
– Европскиот Парламент е запознат со дебатата која се однесува на можна корекција на границите меѓу Србија и Косово, вклучувајќи размена на територии, изјави Мекалистер, но укажа дека европарламентарците се залагаат за „мултиетничка природа на Косово и Србија“.
Тој истакна дека во овој момент не е можно да се предвиди ниту содржината ниту датумот на можниот договор, пренесува Танјуг.
– За темите кои се на распоред во преговорите одлучуваат двете страни заеднички, а ЕУ дејствува како посредник. Можам само да ги охрабрам двете страни да продолжат на овој пат со предизвици, наведе Мекалистер.
