БУГАРИЈА

Бугарското општество задржува голем број од традиционалните вредности и навики, покажува меѓународна студија на „Галуп“, која е спроведена од четврти до 10 септември, годинава. Целта на истражувањето е да се покажат допирните точки на современиот бугарски граѓанин, кој е на 30-годишна возраст, и животните навики пред и по општествено-политичките промените во Бугарија.

Истражувањето покажува дека речиси две третини од возрасните Бугари се поблиски со некогашните обичаи, кои се поврзани со земјоделството и со односот кон природата. Тие повеќе претпочитаат да користат домашната ракија, да се дружат со лица што одгледуваат миленичиња, потоа повеќе сакаат да приготвуваат храна дома, како и да одгледуваат сопствени земјоделски продукти и да приготвуваат домашна зимница.
Резултатите покажуваат дека современиот начин на живот во големите градови не ги избриша традиционалните навики на Бугарите. За 77 отсто од испитаниците, сушењето облека на балконот останува најпосакуваниот метод, иако тоа не се вклопува во современата естетика на фасадите и урбаниот градски пејзаж.

Покрај тоа, повеќе од две третини од учесниците во студијата му придаваат важност на тоа дали се носат чевли во домовите. Над 71 отсто од анкетираните изјавиле дека кога се на гости, тие би сакале да бидат соблечени, додека само една четвртина од испитаниците не претпочитаат гостите да бидат во чорапи.
Според „Галуп“, ваквите навики потекнуваат од околината во која многу Бугари се принудени да живеат.

Во однос на поправките на домовите, граѓаните повеќе сакаат да повикаат мајстор. Сепак, 41 отсто од испитаниците сè уште претпочитаат да се потпираат на сопствените мајсторски вештини, отколку да повикаат некој професионалец за да поправат нешто.
Меѓу најголемите демографски разлики што се забележуваат е дека помладите лица во поголемите населени места, кои се со поголеми приходи, се подалеку од традиционалните навики и вкусови на жителите во Бугарија.