Шешељ осуден, одбива да оди во Хаг

666

Апелацијата на Кривичниот трибунал во Хаг го осуди Шешељ на 10 години затвор. Тој е осуден по три точки од обвинението, а другите точки, меѓу кои е и здружениот злосторнички потфат, се отфрлени. Тој, сеедно, најави дека нема да оди во Хаг на изрекување на второстепената одлука и додаде дека жив не се враќа таму

Апелацискиот совет на Меѓународниот резидуален механизам за кривични трибунали го осуди лидерот на Српската радикална странка, Воислав Шешељ, на 10 години затвор поради поттикнување прогон и депортација како злосторства против човештвото. Шешељ е осуден по три точки на обвинението, а другите точки, меѓу кои е и здружениот злосторнички потфат, се отфрлени. Жалбениот совет на механизмот, кој ја продолжи работата на Хашкиот трибунал, затворен во ноември минатата година, може првостепената пресуда да ја потврди, да ја преиначи или да наложи ново судење. Воислав Шешељ претходно најави дека нема да оди во Хаг на изрекување на второстепената одлука.

Со првостепената пресуда, судскиот совет на Хашкиот трибунал, на чело со судијата Жан Клод Антоанети, на 31 март 2016 година го ослободи Шешељ по сите девет точки на обвинението, кое го товареше дека со говорот на омраза ги поттикнувал и ги поддржувал воените злосторства во Хрватска и во Босна и Херцеговина за време на воените судири, како и за протерување Хрвати од Војводина. На таквата пресуда се жалеше Хашкото обвинителство, а Шешељ поднесе писмен одговор на жалбата. Во врска со ова, вчера Апелацискиот совет на трибуналот ја објави второстепената одлука со која кривичниот трибунал во Хаг го осуди Шешељ на десет години затвор. Интересно е дека Шешељ уште пред изрекувањето на пресудата повеќепати истакнал дека жив веќе не се враќа таму. Како што стојат работите, сега повторно Србија ќе биде ставена на „жешкото столче“.