Харадинај: Америка ја води косовската надворешна политика

1294

Косовскиот прмеиер Рамиш Харадинај изјави дека „Косово нема надворешна политика и дека припаѓа на клубот што го води Америка“.

– Ние сме дел од Европа и соработуваме со Брисел и со Берлин. Но, кога во прашање е надворешната политика ние сме дел од клубот што го предводи Америка. Нам тоа ни е проблем да го признаеме, немаме ниту време да се занимаваме со проблемите во светот – изјави Харадинај за српската телевизија Хепи.

Тој вели дека бил дел од косовски тим што го поддржал Бриселскиот договор, но останува на ставот дека ЗСО може да биде формирана само врз основа на косовскиот Устав, пренесе Танјуг.

Според него, потребно е да се види „за каква ЗСО станува збор и потоа – кога ќе биде формирана“.

Косовскиот премиер утре ќе престојува во прва официјална посета на Македонија.

Како што соопштија од кабинетот на Храдинај, тој освен средбата со својот домаќин, македонскиот премиер Зоран Заев, ќе биде примен и од други високи македонски личности.

Утре во Скопје ќе престојува и високата претставничка на Европската унија за надворешна политика и безбедност Федерика Могерини.