Силна експлозија на факултет во Белград

149

На Технолошкиот факултет во центарот на Белград, синоќа околу еден часот по полноќ, одекнала силна експлозија по што избил пожар.

Како што пренесуваат српските медиуми, во експлозијата нема повредени но направена е голема материјална штета.

Експлозијата се случила во лабораторијата по органска хемија, што е просторија од околу 150 квадратни метри. Според информациите, во кабинетот експлодирал ладилник со хемикалии чиј мотор се прегреал.

Пожарникарите брзо интервенирале и успеале да го локализираат пожарот, а полицијата ги блокирала околните улици.

Последните новости укажуваат дека факултетот од утрово нормално работи и нема опасност од испарување, иако претходно некои медиуми објавија дека има висока концентрација на штетни гасови во објектот.