САД издаде предупредување за Косово, постои можност за терористички напад

175

Американската амбасада на Косово ги предупредува своите граѓани на зголемен ризик од терористички напад во Косово, особено за време на велигденските празници.

-Американските државјани треба да бидат внимателни за време на настаните поврзани со прославувањето на православниот и католичкиот Велигден – се наведува во сајтот на Амбасадата на САД во приштина.

Во предупредувањето од амбасадата се нагласува дека екстермистите ќе продолжат да се фокусираат на туристичките локации, трговските центри, барови, верски објекти и други атрактивни објекти.

На Американците кои доаѓаат на Косово или веќе се таму им се советува да не се истакнуваат во јавност и да не привлекуваат внимание, да ја променат рутата на двужење за да останат незабележани од криминалците и терористите, а кога се на јавно место да обратат внимание на излезите во случај на опасност и службите за безбедност.

Амбасадата на САД советува да се избегнуваат јавни собири и демонстрации и да бидат внимателни на туристичките локации. Тие треба да ги следат локалните медиуми и да внимаваат на инструкциите на Американската амбасада или најблискиот конзулат.

Предупредувањето е издадено во средата, два дена по ескалацијата на ситуацијата на Косово, кога беше уапсен српскиот директор на канцеларијата за Косово и Метохија, Марко Ѓуриќ, на Косовска Митровица. Ѓуриќ беше приведен и потоа протеран во Белград во понеделникот напладне, а за време на акцијата беа уапсени и повредени повеќе од 30 Срби.