Приштина плаќа пенали за фирмата која го гради автопатот Приштина-Скопје

165

Косовската влада издвои дополнителни 53 милиони евра за фирмата „Бехтел Енка“, кој ги изведува работите на изградбата на автопатот Приштина-Скопје, на име пенали поради неизвршување на обврските од страна на претходната Влада, јави дописникот на МИА од Приштина.

Министерот за Инфраструктура на Косово, Паљ Лекај, на денешната владина седница, изјави дека, поради ненавременото плаќање на сметките од страна на претходната влада, конзорциумот побарал да му се исплатат дополнителни 63 милиони евра „заради предолгото задржување на опремата и индиректни трошоци“.

– По преговорите успеавме да ја намалиме сумата на 45 милиони евра, што значи дека заедно со 8 милиони ддв, во тотал ќе платиме 53 милиони евра, рече Лекај.