Макрон: Србија е во нашите срца, денес и засекогаш

584

Во склоп на дводневната посета на Србија, францускиот претседател Емануел Макрон одржа емотивен говор пред Споменикот на благодарноста на Франција на тврдината Калемегдан во Белград, пренесуваат српските медиуми.

„Еве, Франција е тука“ истакна Макрон, покажувајќи со раката на своите гради, додавајќи дека „Србија исто така е срцата на Французите, денес и засекогаш“.

Францускиот претседател се осврна и на поуките од историјата, иднината на Србија и нејзиното место до Франција и другите европски нации, како дел од Европа која ги дели истите вредности за изградба на траен мир и иднина.

Српскиот претседател Александар Вучиќ му се заблагодари на Макрон за посетата, за трпението да ги слушне проблемите на српскиот народ и за големата почит која ја покажал кон Србите. 

– Рековте дека Србија ви е во срцето. Побрзајте со тие длабински реформи и овој народ ќе ве помни засекогаш – истакна Вучиќ.