Конституиран новиот српски парламент

93

Со полагање заклетва на народните пратеници, конституиран е новиот парламент во Србија.

Со седницата претседаваше најстарата, 91 годишна пратеничка Смилја Тишма, а седницата се одржа со мерки за заштита од епидемијата на коронавирус.

Според резултатите од изборите, листата „Александар Вучиќ – за нашите деца“ на Српската напредна партија има 188 пратеници, листата на Социјалистичката партија на Србија и Единствена Србија има 32 мандати и изборната листа СПАС на Александар Шапиќ има 11 пратеници. Останатите пратенички места им припаднаа на малцинските партии во Србија.

Со тоа, почна рокот од 90 дена за формирање на новата српска Влада, која се очекува да биде формирана до крајот на овој месец.

Пред парламентот имаше протест организирани од движењето „Доста Беше“, кој се случуваше додека траеше седницата.