Захарова: САД мора да се извинат за бомбардирањето на поранешна Југославија

1060

САД мора да се извинат за бомбардирањето на поранешна Југославија во 1999 година и да им исплатат компензација на роднините на убиените и повредените во воздушните напади на НАТО, поддржани од САД, изјави во неделата портпаролката на руското МНР, Марија Захарова.

– За почеток, САД треба да им се извинат на оние што ги бомбардираа, да им исплатат обештетување на загинатите и ранетите и на оние чие здравје е оштетено поради проектилите со осиромашен ураниум. И дури откако тоа ќе се стори, кога ќе се постават соодветните темели, може да ги повикаат другите да одат напред – напиша таа на Фејсбук, коментирајќи ја изјавата на американскиот амбасадор во заминување во Србија, Кајл Скот, кој рече дека Србите треба да ги погледнат бомбардирањата на НАТО во 1999 година од „поширока перспектива“.

На 24 март 1999 година, НАТО почна воена операција против Сојузна Република Југославија за која тврдеше дека е наводно за спречување геноцид на албанското население во Косово. НАТО соопшти дека за време на 78-дневната операција нивните авиони извршиле 10.000 бомбашки напади.

Воени експерти откриле дека алијансата лансирала 3.000 крстосувачки ракети и исфрлила 80.000 бомби, вклучително и кластер- бомби и бомби со збогатен ураниум. Според српските експерти, НАТО во текот на тримесечните бомбашки напади испуштил 15 тони осиромашен ураниум и ја направи земјата број еден во однос на случаите на карцином. Околу 30.000 нови случаи на рак се регистрирани во првите 10 години по бомбардирањата, со стапка на смртност од 10.000 на 18.000 пациенти.

Материјалната штета достигна 100 милијарди американски долари.

Според Љубиша Ракиќ, српски научник и член на српската, руската, евроазиската, европската и други академии, количината на ниско збогатен ураниум исфрлен од НАТО на Балканот е доволна за да се направат 170 А-бомби како онаа што САД ја фрлија на Хирошима.