Дипломатско дообјаснување за црногорските офицери во Косово

84

Министерот за надворешни работи на Црна Гора, Срѓан Дармановиќ, по реакцијата од српските политичари за испраќање на црногорските војници на Косово, изјави дека тоа претставува исполнување на меѓународните обврски и дека тоа не претставува непријателски чин кон Србија.
– Нема ништо непријателско, Црна Гора е посветена на исполнување на своите меѓународни обврски и придонесува за стабилноста во регионот. Тоа е единствена цел на нашето ангажирање – изјави Дармановиќ.

Српскиот министер за одбрана Александар Вулин изјави дека испраќањето двајца црногорски офицери во Косово без консултација со Србија е непријателски чин.
Според него, двајцата офицери на војската на Црна Гора доаѓаат во мисија на КФОР „за да ја поддржат косовската независност, а не да ги заштитат Србите“.
– Основен ред е Србија да се консултира по ова прашање, да се покаже почитување кон Србија, со која мора да живеете. Кога сте соседи, логично е да водите сметка за интересите на оној што живее покрај вас, а тоа го нема кога испраќате свои офицери не прашувајќи ја Србија и кога свесно ја газите неутралноста на КФОР, говорејќи дека Косово е држава – изјави Вулин.