Грција од следната година забранува пластични производи за еднократна употреба

120

Грција планира до 1 јули 2021 година да ја забрани употребата на пластични производи за еднократно користење, рече министерот за животна средина и енергија, Костис Хацидакис.

Хацидикис ја објави веста на настан на плажа во Атина, на кој беше најавена соработка меѓу Министерството за животна средина и енергија и А.Ц. Ласкаридис, хуманитарна организација, под мотото „Грција без пластика за еднократна употреба“.

Министерот истакна дека секој ден во Грција се користат голем број пластични производи за еднократна употреба и дека на тоа мора да му се стави крај.

– Затоа се започнува иницијативата „Грција без пластика за еднократна употреба“, која беше силно поддржана од премиерот, а која мора да се спроведе во соработка со граѓаните – рече Хацидикис.