Во Ѓаковица се прави список на осомничени Срби

82

Имињата на повеќе од двесте Срби од Ѓаковица се најдоа на списокот на обвинети за наводни воени злосторства против населението што се сторени во 1998 и 1999 годинана на територијата на оваа општина. Списокот е доставен до Специјалното обвинителство на Косово од граѓанското (албанско) здружение од Ѓаковица, кое има за цел застрашување на Србите и на Црногорците, за да се искорени последната српска врска во градот и општината, која е без српско население цели 19 години, објави „Политика“.
На оваа листа се наоѓаат многу поранешни видни граѓани од овој град, во кој некогаш живееле околу 12.000 Срби. Меѓи нив е Ѓокица Станојевиќ, поранешниот претседател на општината. Тој за „Спутник“ изјави дека списокот претставува модел за застрашување на повратниците од српската националност, како и обид за да се изедначат со злосторството со Албанците, за кои треба да одлучува Специјалниот суд за злосторствата на ОВК.

– Еулекс водеше постапки и беа реални. Со повлекувањето на Еулекс надлежностите беа префрлени на судовите во Косово и сега не се потребни ни конкретни докази за нивно процесирање. Едноставно, сега се прави хајка против сите, затоа што се сака да се прикаже дека е потребен специјален суд и за Србите. Сакаат да се изедначи злото што е правено на Космет. Ѓаковица е прва, а се очекува да се направи тоа и во другите општини што би правеле нови списоци со српски имиња. Сѐ е несериозно, но би требало некој да реагира. Не може да се помислува за враќање на Србите ако некој се наоѓа на потерници – вели Станојевиќ.
Зачудувачки е тоа што досега никој не реагирал од Приштина и од Белград за тоа што се случува во оваа општина.
– Загрозена е безбедноста на сите Срби на просторот на Ѓаковица. Втората причина е да ни се одземе имотот. Албанците ја уриваат улицата во која живееле 3.500 Срби. Албанците прават најголема грешка ако мислат дека на ваков начин ќе си обезбедат себеси светла иднина – вели Станојевиќ.