Во Хрватска 5 лица заболени од западнонилска треска се борат за живот

48

Пет лица се борат за живот во загрепска клиника за инфективни болести откако по убод од комарец заболеле од западнонилска треска, пренесуваат хрватските медиуми.

– Бројот на заразени од опасниот вирус се зголемува – изјави д-р Марко Кутлеша од Институтот за интензивна медицина и инфектологија. Тој посочи дека петмината заразени се во критична здравствена состојба и се на апарати за дишење.

– Уште други две лица се тешко болни и за нив има сомненија дека се заразени од вирусот, но кај нив не е потврдена болеста- изјави лекарот.