Во БиХ поради корупција уапсени 17 сообраќајни полицајци

60

Во полициска акција наречена „ДАР 1“ спроведена на подрачјето на кантонот Сараево, Зеничко-добојскиoт кантон и во источно Сараево, уапсени се 17 полицајци.

Ова го соопшти обвинителството од кантонот Сараево.

Според сараевскиот портал „Кликс“, ова е најголема акција во полициските редови, во повоениот период во БиХ.

– Се преземаат мерки и активности против 17 полицајци од Одделението за сообраќај при Министерството за внатрешни работи на КС, кои се осомничени дека извршиле повеќе од сто кривични дела во последните неколку месеци – се вели во соопштението.

Кривичните дела се однесуваат на злоупотреба на положбата и овластувањата.

Акцијата била спроведена по наредба на Општинскиот суд во Сараево, а извршени биле претреси на 17 локации.