Министерството за одбрана на Холандија тврди дека руски авиони-ловци минатата недела создале опасна ситуација за брод на холандската морнарица на Црното Море.
– Руските ловци предизвикаа небезбедна ситуација за бродот „Еверстен“ на Црното Море. Тоа се случи минатиот четврток кога воениот брод се наоѓаше југоисточно од Крим.
Авионите летаа многу ниско и близу до бродот, изведувајќи симулација на напад. Авионите биле вооружени со бомби и ракети земја-земја, подготвени да пукаат во секој момент – се вели во соопштението на Министерството за одбрана на Холандија, пишуваат агенциите.
Во таа насока, Министерството за одбрана на Холандија ја обвини Русија за кршење на правото на бесплатно користење на отворено море.
– По неколкучасовно заплашување, електронската опрема на бродот беше прекината – се додава во соопштението.
Минатата недела во Црното Море се случи инцидент со брод на НАТО. Британскиот разурнувач „Дефендер“ како што пренесоа медиумите, ја преминал руската граница на 23 јуни во близина на Крим. Британското Министерство за одбрана тврдеше дека разурнувачот не бил во руските територијални води.
