Хирошима денес ја одбележа 74-годишнината од нападот со атомска бомба врз тој град во 1945 година, кога загинаа повеќе од 140.000 луѓе.
Градоначалникот Казуми Матсуи изрази загриженост за растечката егоцентричност во светската политика и ги повика водачите да го зачуваат светот без атомско оружје.
Тој ги покани светските лидери да ја посетат Хирошима и да се запознаат со она што се случило таму.
Матсуи побара од јапонската влада да се залага повеќе за интересите на преживеаните и да потпише договор за забрана на нуклеарно оружје.
Премиерот Шинзо Абе рече дека се сѐ поизразени разликите помеѓу нуклеарните и ненуклеарните држави. Тој вети дека ќе ги одржи јапонските принципи без нуклеарна моќ.
