Руски хеликоптер се урна рано утрово во реонот на градот Хабаровск на рускиот Далечен Исток, при што шест лица загинаа.

Како што соопшти руското Министерство за вонредни состојби, хеликоптерот од типот Ми-8 се урнал во 11:30 часот по локално време (3.30 часот по средноевропско време). Сите загинати биле членови на екипажот на хеликоптерот.

Во соопштението се посочува дека при инцидентот хеликоптерот, кој бил сопственост на авиокомпанијата „Восток“, се „распаднал на парчиња“.

Хеликоптерот се урнал за време на пробен лет и во него се наоѓале само членовите на екипажот.

Рускиот Итсражен комитет започна истрага за случајот, а според првичните сознанија, како можни причини за уривањето на хеликоптерот се посочуваат лошите временски услови, дефект или грешка на пилотите.