Делумна забрана за движење на дизел возила, како дел од многу дебатираниот потег на земјата за подобрување на квалитетот на воздухот, воведе денеска Хамбург , со што стана првиот германски град кој воведе ваква забрана.
Пристанишниот град, од полноќ блокираше дел од Макс Брауер Алли на 600 метри и 1,6 километарскиот дел од „Стреместантрасе” во областа Алтона-Норд за постари дизел автомобили и камиони.
Знаци кои ги означуваат ограничувањата и пренасочувањето се ставени на местото во последниве недели во областа Алтона-Норд.
Сите дизел возила што не ги исполнуваат стандардите за емисија на Евро-6 се погодени од забраната за Хамбург.
Помалку од една третина од дизел возилата регистрирани во градот на почетокот на годината ги исполнуваат стандардите, соопшти Федералната агенција за автотранспорт.
Исклучоци од забраната: на една од улиците може да се движат возила за вонредни ситуации, жители и посетителите, камионите за товар, камионите за испорака и таксисти.
