Министерството за внатрешни работи на Франција објави денеска план дека на социјалните мрежи засилува систем за предупредување на јавноста на непосредна закана како што е терористички напад.

Од јуни предупредувањата на Министерството на таков вид опасност ќе имаат приоритет кога станува збор за објавувања на Твитер, Фејсбук и Гугл како и во францускиот јавен превоз и на телевизија, се вели во соопштение.

На Твитер предупредувањата на француското МВР ќе бидат „посебно видливи“ со специјален наслов.

И Фејсбук врз основа на специјален договор, на француската влада ќе и овозможи директно да комуницира со луѓе преку алатка за „проверка на безбедност“ која е воведена во 2014 година.