Факти за трговскиот договор УСМКА

Трговскиот договор меѓу САД, Мексико и Канада (УСМКА) го замени дваесет и шестгодишниот Северноамерикански договор за слободна трговија (НАФТА), со што ѝ се стави крај на заканата на претседателот Трамп да ја растури слободната трговска зона меѓу трите држави. Пактот беше склучен на 1 јули, во услови на зголемени трговски тензии меѓу САД и Канада, со тоа што Трамп се закани дека ќе наметне царини од 10 отсто за увозот на канадски алуминиум. Исто така постоеше силна загриженост за капацитетот на Мексико да спроведе работнички реформи.

Една од најзначајните промени меѓу НАФТА и УСМКА се сложените нови регулативи за тоа како автоделовите подлежат на намалените царини. Северноамериканското производство на автомобили во регионот ќе порасне на 75 од претходните 62,5 отсто според НАФТА, со новите одредби за користење на северноамериканскиот челик и алуминиум. Според новиот трговски договор, работничките реформи ќе им овозможат на мексиканските работници права да гласаат тајно во независните синдикати. Мексиканските производители што ќе ги прекршат реформите ќе се соочат со ретроактивни царински казни.

Според процените, УСМКА ќе ја зголеми американската економија за 68,2 милијарди долари во првите шест години од стапувањето во сила, според ИТК. Остварената трговија меѓу потписничките на овој договор лани изнесуваше над 1,2 илјада милијарди долари.