Претседателот на САД Доналд Трамп денеска во 16:30 по Гринич ќе има прес- конференција за изборите на средина на мандат.
Претходно денеска, тој објави дека Републиканската партија имала „голема победа”, иако ја загуби контролата врз Претставничкиот дом.
– Добив толку многу честитки од толку многу луѓе за нашата голема победа вечерва, вклучувајќи ги и другите земји кои ме чекаат со надеж да склучат трговски договори, напиша Трамп на Твитер.
Received so many Congratulations from so many on our Big Victory last night, including from foreign nations (friends) that were waiting me out, and hoping, on Trade Deals. Now we can all get back to work and get things done!
— Donald J. Trump (@realDonaldTrump) November 7, 2018
Во друг твит, тој ги поздрави луѓето кои го поддржуваа и изјави дека „оние кои работеа со мене во текот на оваа неверојатна кампања за изборите на средина на мандат, одобрувајќи одредени политики и принципи, се справија многу добро. Тие, кои не го направија тоа, велат: „Збогум!”.
Those that worked with me in this incredible Midterm Election, embracing certain policies and principles, did very well. Those that did not, say goodbye! Yesterday was such a very Big Win, and all under the pressure of a Nasty and Hostile Media!
— Donald J. Trump (@realDonaldTrump) November 7, 2018
Трамп му честиташе на својот жесток поддржувач, Рон Десантис, за неговата победа на изборите за гувернер на Флорида.
