Претседателот на САД, Доналд Трамп, го минимизираше полициското насилство врз Афроамериканците, велејќи дека полицајците убиваат повеќе белци.

Во интервју за „Си-би-ес њуз“, Трамп беше прашан зошто Афроамериканците и натаму умираат од рацете на полицијата.

– И белците, и белците исто така. Какво ужасно прашање. И белците исто. Повеќе белците – одговори тој.

Полициското насилство врз Афроамериканците е во центарот на вниманието во Америка откако Џорџ Флојд почина на 25 мај за време на апсењето во Минеаполис, откако еден полицаец клекна на неговиот врат.

Смртта на Флојд доведе до протести низ САД и во светот.

Според анализата на „Вашингтон пост“, половина од луѓето убиени од полициските сили се белци, но смртта на Афроамериканците е непропорционална затоа што тие се помалку од 13 отсто од американското население.