Светската здравствена организација (СЗО) денеска соопшти дека стравува од ширење на заразни болести во Либија, поради се поголемиот број на лица кои ги напуштаат своите домови, бегајќи од борбите во околината на Триполи.

СЗО информира дека испратила комплети со прва помош и лекови за повеќе болници и здравствени установи во Либија, кои би требало да бидат доволни за следните две недели.

Претставникот на СЗО во Либија, Сајед Џафар Хусаин соопшти дека во борбите во оваа северноафриканска во текот на изминатава недела загинале 75 лица, а 323 други биле ранети.

– Досега поради борбите побегнаа околу 6.000 лица, но СЗО има планови за вонредна состојба, доколку се раселат илјадници или стотици илјади лица- изјави Хусаин.