Светската здравствена организација (СЗО) го крена нивото на опасност и ширењето на коронавирусот на глобално ниво на „многу високо“, но предупреди дека нашиот најголем непријател сега не е коронавирусот сам по себе, туку тоа се стравот, гласините и стигматизација.
– Врз основа на најновите настани со коронавирусот ја зголемивме нашата проценка за ризикот од ширење и ризикот од влијанието на ковид 19 на многу високо на глобално ниво – објави СЗО на Твитер.
СЗО објави дека коронавирусот се шири и може да стигне до повеќето, ако не и во сите држави во светот, откако во Нигерија беше потврден првиот случај на коронавирус во субсахарска Африка.
– Пет држави – Нигерија, Естонија, Данска, Холандија и Латвија, ги пријавија првите случаи, а сите се поврзани со патувања во Италија – соопшти портпаролот на СЗО, Кристиан Линдмејер.
There are things every individual can do to protect themselves & others today. Your risk depends on where you live, your age & general health.@WHO provides general guidance, but you should also follow your national guidance & consult local #healthworkershttps://t.co/9UBRD6GRW1
— Tedros Adhanom Ghebreyesus (@DrTedros) February 28, 2020
