Германската полиција во Берлин уапсила 30-годишен колега од Бамберг, кој е осомничен за неколку кражби, пренесува Б92.

Уапсениот полицаец веќе подолго време бил на боледување, соопштила полицијата.

Тој е осомничен дека, заедно со еден соучесник, кој исто така е уапсен, извршил повеќе злосторства во Баварија.

Наводно, на 14 јануари во Бамберг тој насилно украл скап мобилен телефон од една жена, што потоа преку интернет го понудил на продажба.

Истата вечер тие украле автомобил од една личност во Швајнфурт.

Следниот ден со тоа возило влетале во излогот на една златарница во Бамберг и украле накит вреден повеќе од 100.000 евра.