Најмалку седум лица загинаа, а 12 се повредени во пожар во станбена зграда во густо населена станбена област во Хонгконг. Пожарот избувна синоќа во квартот Јау Ма Теи, кој вообичаено е полн со луѓе и каде што има голем број станбени згради, продавници и компани.
Пожарот избувнал во еден ресторан кој се наоѓал во стан на една од зградите, соопштија пожарникарите на прес-конференција.
„Саут чајна морнинг пост“ објави дека во пожарот загинале седум лица на возраст од девет до 40 години. Според весникот, ова е најсмртоносен пожар од 2011 година, во кој животот го загубија девет лица. Според весникот, седум од хоспитализираните лица се во критична состојба.
Премиерката на Хонгконг, Кери Лам, рано утрово издаде соопштение во кое се наведува дека е длабоко тажна поради смртта и повредените во пожарот.
