Најмалку 10 луѓе загинаа во пожар во приватна клиника која исто така лекува пациенти со Ковид-19 во Индија.
Пожарот избувнал синоќа на приземјето на трговски центар во Мумбаи и брзо се проширил низ зградата до катот на кој се наоѓала болницата „Изгрејсонце“, што предизвика евакуација на околу 70 пациенти.
Во моментот на пожарот, на клиниката имало најмалку седум пациенти поврзани со механичка вентилација.
Засега не е познато дали загинатите биле лекувани од Ковид-19, а роднините наскоро ќе ги идентификуваат нивните тела, пренесе „Раша тудеј“.
Повеќе од 20 противпожарни возила беа испратени на местото на пожарот, а истрагата за неговата причина е во тек.
