Најмалку десет лица настрадаа во пет одделни инциденти на швајцарските и француските Алпи. Меѓу настраданите се седум скијачи, двајца планинари и еден водич.
Петмина скијачи од Франција, Италија и Германија настрадале откако за време на прошетка ги зафатило невреме и ноќта ја минале на отворено, на ниски температури и на височина над 3.200 метри, во областа Пињ д’Арола, соопшти полицијата во швајцарскиот кантон Вале.
Полицијата соопшти дека пет лица, кои се наоѓале во критична состојба, починале во текот на ноќта.
Исто така, потврдено е дека двајца француски скијачи настрадале во друга несреќа на француските Алпи.
Во тек е потрага по уште двајца планинари, но таа е одложена поради лошите временски услови.
Италијанските медиуми објавија дека загинал и еден Италијанец, водич, кој предводел организирана екскурзија.
Руски планинар, исто така, се води како исчезнат, а се претпоставува дека е загинат.
