Поглаварот на Римокатоличката црква, папата Франциск, кој поради настинка веќе неколку дена ги откажува аудиенциите и учеството на мисите, не е заразен со коронавирус, пренесе италијанскиот весник „Месаџеро“.
Папата се тестираше на коронавирусот бидејќи настинката не му поминува со денови, има температура и кашла.
Портпаролот на Ватикан, Мето Бруни не сакаше да го коментира пишувањето на римскиот весник.
Папата пред пет дена, за време на миса киваше и кашлаше, што предизвика шпекулации за неговата здравствена состојба.
Ројтерс потсетува дека 83-годишниот папа уште пред неколку децении поради болест отстранил дел од белодробното крило.
