Најмалку 14 лица загинаа во ерупцијата на вулканот Семеру на индонезискиот остров Јава, а околу 1,3 илјади луѓе се евакуирани, соопшти Агенцијата за ублажување на катастрофи (БНПБ).
Официјални лица велат дека се повредени 56 лица, а повеќето се со изгореници, пренесува Ројтерс.
Семеру во саботата исфрли големи количества гас, пареа и пепел што ги прекри околните села во провинцијата Источна Јава и ги принуди луѓето да бегаат во паника.
Спасувачките екипи трагаат по жртви во области покриени со слоеви пепел.
Ерупцијата уништи згради и го прекина сообраќајот преку стратешкиот мост што поврзува две области во блиската област Лумајанг со градот Маланг, соопштија властите.
Семеру е висок повеќе од 3,6 илјади метри и е еден од речиси 130-те активни вулкани во Индонезија.
