Сегашните анкети во Германија покажуваат дека три партии, конзервативната Демохристијанска унија и нејзината сестринска партија од Баварија, Христијанско-социјална унија, прогресивната Социјалдемократска партија (СПД) и Зелените, поборниците за заштита на животната средина, имаат релативно слично ниво на поддршка.
Помалата деловно ориентирана Слободна демократска партија (ФДП) е на четвртата позиција и може да одигра клучна улога во формирањето на коалицијата.
Според најновата анкета на „Инса“, СПД на Олаф Шолц има поддршка од 25 отсто, а блокот ЦДУ/ЦСУ на Армин Лашет има 20 отсто. Во анкетата, народниот рејтинг на Зелените е 16 отсто, на ултрадесничарската АФД е 12 отсто, а на германската Левица е седум отсто.
Со оглед на тоа што политичката лојалност се менува по 16 години под владеењето на Меркел, формирањето коалиција сега е посложен чекор од кога било претходно.
