Велика Британија и ЕУ се блиску до договор за уредување на Брегзит, наведе во авторски текст за германскиот весник „Велт“ британската премиерка Тереза Меј и ја повика ЕК да ја унапреди позицијата пред денешниот почеток на неформалниот самит на ЕУ во австрискиот град Салцбург.

Меј наведе дека е потребно двете страни да покажат добра волја со цел да се избегне несредено излегување на Британија од европскиот блок во март наредната година, поради што постојат стравови дека може да предизвика економски проблеми.

– Блиску сме до постигнување договор за Брегзит, што е суштинска основа за изградба на блиско идно партнерство. За да се стигне до успешен заклучок и токму како што Обединетото Кралство ја унапреди својата позиција, ќе биде потребно и ЕУ да го стори истото. Ниту една страна не може да го бара тоа што не е прифатливо за другата, како надворешните царински граници меѓу различни делови на Обединетото Кралство, напиша британската премиерка.

Во Салцбург денеска почнува дводневниот состанок на лидерите на ЕУ, на кој ќе биде бидат одржани разговори за кои британскиот министер за Брегзит Доминик Раб рече дека ќе бидат „важна пресвртница“.