Канадскиот премиер Џастин Трудо се извини што лицето го нашминкал со црна боја во 2001 година, откако таа непристојна фотографија се појави пет недели пред изборите.

Фотографијата на тогашниот 29-годишен Трудо со лице затемнето со шминка е голем предизвик за лидерот кој често зборува за важноста на борбата против расната дискриминација и кој во неговиот кабинет има тројца истакнати министри со индиско потекло, пренесува „Ројтерс“.

„Тајм“ ја објави фотографијата на која се гледа како тој носи турбан и бела наметка, а лицето му е намачкано со темна шминка.

-Требаше да знам подобро, но не знаев. Длабоко жалам што го сторив тоа. На гала-приемот што беше тематски посветен на Арапските ноќи, го облеков костимот на Аладин и ставив шминка – рече Трудо.

Канадскиот премиер, наводно, е во тесна битка со конзервативниот лидер Ендру Шир пред сојузните избори на 21 октомври.

Шир изјави дека е „исклучително шокиран и разочаран“ од фотографијата на Трудо.

ПОВРЗАНИ СТАТИИПОВЕЌЕ ОД АВТОРОТ