Затворени се гласачките места во САД. Според првичните информации од медиумите, американскиот претседател Доналд Трамп освоил три клучни држави – Флорида, Тексас и Охајо. Конечните резултати сè уште се чекаат за Пенсилванија, Џорџија, Северна Каролина, Мичиген и Висконсин, кои се сметаат за клучни за исходот од изборите.

Трамп досега ги освои следните држави: Западна Вирџинија – 5 гласачи, Тенеси – 11 гласачи, Алабама – 9 гласачи, Мисисипи – 6 гласачи, Мисури – 10 гласачи, Оклахома – 7 гласачи, Арканзас – 6 гласачи, Кентаки – 8 гласачи, Индијана – 11 гласачи, Вајоминг – 3 гласачи, Северна Дакота – 3 гласачи, Јужна Дакота – 3 гласачи, Луизијана – 8 гласачи, Небраска – 5 гласачи (не ги добива сите гласачи, државата има посебен систем на гласање), Јужна Каролина – 9 гласачи, Канзас – 6 гласачи, Јута – 6 гласачи, Ајдахо – 4 гласачи, Флорида – 29 гласачи, Тексас – 38 гласачи, Охајо – 18 гласачи, Ајова – 6 гласачи, Монтана – 3 гласачи.

Бајден победи: Илиноис – 20 гласачи, Мериленд – 10 гласачи, Њу Џерси – 14 гласачи, Конектикат – 7 гласачи, Масачусетс – 11 гласачи, Мејн – 4 гласачи (не ги добива сите гласачи, државата има посебен систем на дистрибуција на гласови), Делавер – 3 гласачи, Вермонт – 3 гласачи, Колорадо – 9 гласачи, Нујорк – 29 гласачи, Роуд Ајленд – 4 гласачи, област Колумбија – 3 гласачи, Калифорнија – 55 гласачи, Орегон – 7 гласачи, Вашингтон – 12 гласачи, Њу Хемпшир – 4 гласачи, Аризона – 11 гласачи, Хаваи – 4 гласачи, Ново Мексико – 5 гласачи, Минесота – 10 гласачи.

И Бајден и Трамп се убедени во иста работа – нивната победа.

„ Се чувствувам како да не чека голема победа“, објави Бајден, додека Трамп рече: „ Ќе оствариме уште една убава победа“.

Четири држави – Пенсилванија, Висконсин, Мичиген и Џорџија оставија десетици илјади гласови настрана, што ја забави трката за Белата куќа, пренесува Си-ен-ен. Изборната комисија во некои земји одлучи да престане да брои гласови и да продолжи со работа денеска од 16 часот.

Медиумите пренесуваат дека неизвесноста околу победникот на изборите во САД сигурно ќе трае до крајот на неделата, како и дека дури до средината на месецот би знаеле кој е новиот претседател на Америка. Како што наведуваат светските медиуми, Мичиген, Пенсилванија и Висконсин ќе одлучат кој ќе биде новиот претседател на САД.