Северна Кореја утре ќе одржи пленарна седница на Централниот комитет на владејачката партија, јави државната севернокорејска новинска агенција КЦНА.
Состанокот е свикан за да се разговара и да се одлучи „за прашања на политиката во новата фаза“ и за да се исполнат барањата на „актуелниот историски период“.
Американскиот претседател Доналд Трамп вчера соопшти дека директорот на ЦИА Мајк Помпео неодамна ја посетил Северна Кореја и имал средба со лидерот Ким Џонг-ун.
Претходно, „Вашингтон пост“ објави дека Помпео, кој е номиниран за функцијата државен секретар на САД, за време на велигденските празници бил во тајна посета на Северна Кореја и се сретнал со лидерот Ким Џонг-ун.
Според весникот, целта на средбата била да се постават основи за директни преговори меѓу Трамп и Ким за севернокорејската нуклеарна програма.
