Техеран планира да ја обнови својата активност во нуклеарниот реактор за тешка вода во Арак, изјави претседателот на иранската Организација за атомска енергија, Али Акбар Салехи.

Тешката вода може да се искористи во реакторот за производство на плутониум, елемент со кој се полни нуклеарната глава.

Иран во мај ги соопшти своите планови да го прекрши договорот склучен во 2015 година со неколку светски сили, откако САД се повлече од спогодбата и ги обнови санкциите против Техеран.

На почетокот на јули иранскиот претседател Хасан Рохани соопшти дека неговата земја планира да започне со збогатување ураниум и да ги обнови своите активности во Арак, доколку страните од договорот не ги почитуваат преземените обврски кон Техеран.