„Жешка чаша“ во раката на воздухопловниот екипаж

Сенаторот Чак Грасли конечно доби одговор на прашањата кои го постави на Воздухопловните сили, во врска со трошењето пари, во случајов, повеќе од илјада долари за чаша за кафе во текот на летовите, но сепак не е задоволен од нивниот одговор.

-Додека воздухопловните сили работат на изнаоѓање иновации кои ќе помогнат да се заштедат пари, останува нејасно зошто не може да се најде поевтина алтернатива за чаша за кафе која чини 1.280 долари – вели Сенаторот Грасли во соопштението.

Владините функционери имаат одговорност да ги користат даночните обврзници ефикасно, но често, тоа не е случај, стои во соопштението.

Претходно овој месец, Сенаторот Грасли испратил писмо до секретарот на воздухопловните сили Хедер Вилсон, во кое се интересирал зошто Воздухопловните сили ги нарекуваат „жешки чаши”, металните чаши слични во големина на француски печат, за кој вели дека се потрошени повеќе од 56 илјади долари во текот на изминатите три години.

Како што се испоставило, ситуацијата е многу полоша, воздухопловните сили потрошиле повеќе од 300 илјади долари за вакви чаши.

Секретарот на воздухопловните сили Хедер Вилсон и началникот на Генералштабот на воздухопловните сили генерал Дејвид Голдфеин

Иронично на сето тоа е превисоката цена која му паднала во око на сенаторот Грасли, веднаш откако Воздушните сили објавија извештај за јавни набавки, пофалувајќи ја нивната иновација за тродимензионалното печатење, која е една од алтернативите со цел да се изнајде поевтино решение за проблемот со рачките на чашите кои се кршат.

Во минатото, доколку чашата падне и рачката се скрши, тоа би чинело повеќе од 1.200 долари за истата да се замени. Со 3D печатењето, новата рачка за истата чаша би можело да чини околу 50 центи. Тоа доведе Сенаторот Грасли да го постави прашањето: зошто, по ѓаволите, тогаш трошевте толку многу пари за чаши за кафе?

Како одговор на тоа, Секретарот Вилсон во писмото одговорила дека е ” оправдано  да бидат загрижени за високите трошоци за резервни делови”, објаснувајќи дека некои од изведувачите кои ги снабдувале со такви чаши повеќе не се во бизнисот или не ги произведуваат воопшто.

Со други зборови, во одговорот е наведено дека, покрај тродимензионалното печатење, Воздухопловните сили, за жал, не разгледале поевтини алтернативи за вакви чаши.

Иако официјалните претставници на воздухопловните сили, се обидоа да истакнат дека технички тоа не е обична чаша за кафе, туку “жешка чаша” која ги загрева сите видови на течности, сепак можеби има алтернатива за трошење на 300 илјади долари за вакви чаши, која сè уште не е разгледана.